27 avqust 2013 00:07
Fırtınalar meydanına dəyən ziyanın məbləği açıqlandı
Topaz Premyer Liqasının “Xəzər Lənkəran” – “Neftçi” matçı zamanı və oyundan sonra Lənkəran şəhər stadionunda ciddi iğtişaşların baş verməsindən xəbərdarsınız. Azerisport.az xəbər verir ki, hadisələr zamanı “Fırtınalar meydanı”na çox ciddi ziyan dəyib.
Klubun mətbuat xidmətindən aldığımız məlumata görə, fanatların törətdiyi iğtişaşlar zamanı 500-ə yaxın oturacaq sındırılıb. Bundan əlavə arenanın digər müxtəlif inventarları da sıradan çıxıb.
Hesablamalara görə, arenaya bütövlükdə 12-15 min manat məbləğində ziyan dəyib.
Klub rəhbərliyi bu gündən etibarən stadionun normal vəziyyətə gətirilməsi üçün tədbirlər görməyə başlayacaq.
Klub rəhbərliyi bu gündən etibarən stadionun normal vəziyyətə gətirilməsi üçün tədbirlər görməyə başlayacaq.
