28 avqust 2013 11:53
Eintracht - Qarabağ matçında anşlaq olacaq
Avropa Liqasının pley-off mərhələsinin “Qarabağ”la Almaniya “Eintracht”ı arasındakı cavab matçında anşlaq olacaq. Azerisport.az xəbər verir ki, bu oyuna bilet satışı xeyli müddətdi davam edir.
Artıq qarşılaşmaya 50 000 bilet satılıb. Böyük ehtimalla bu oyunda anşlaq olacaq.
Qeyd edək ki, bu oyunun keçiriləcəyi “Commerzbank-Arena” (Waldstadion) 51 500 azarkeş tutumuna malikdi. Cavab matçı sabah oynanılacaq və Bakı vaxtı ilə saat 23:30-da start götürəcək.
Bu komandalar arasında Bakıda keçirilmiş oyunda Almaniya klubu 2 cavabsız qolla qalib gəlib.
