28 avqust 2013 16:07
Fenerbahçe Avropadan iki il müddətinə qovuldu
Çempionlar Liqasının pley-off mərhələsində İngiltərənin “Arsenal” klubuna məğlub olan Türkiyə “Fenerbahçe”si avrokuboklardan ümumiyyətlə uzaqlaşdırılıb. Azerisport.az xəbər verir ki, Beynəlxalq məhkəmə bu gün “sarı-lacivərdlilər”in taleyinə aydınlıq gətirib.
Belə ki, qurum İstanbul təmsilçisini 2 il müddətinə Avropadan uzaqlaşdırmağa qərar verib. Məhkəmənin bu qərarı 2014/15 və 2015/16 mövsümü üçün kluba şamil ediləcək.
Qeyd edək ki, UEFA “bülbüllər”i oyun alqı-satqısı ilə günahlandırmış və avrokuboklarda iştirakına qadağa qoymuşdu. Lakin bunda narazı olan “Fenerbahçe" işi Beynəlxalq Məhkəməyə (CAS) göndərmişdi. Nəticədə, bu iş müvəqqəti dayandırılmışdı. Amma bu gün çıxarılan yeni qərara əsasən “Fenerbahçe”nin cəzası təsdiqlənib. ÇL-də mübarizəni dayandıran bu komanda Avropa Liqasının qrup mərhələsində çıxış etmək şansına malik olsa da, bu qərar klubu ondan da məhrum edib.
