29 avqust 2013 22:22
Arazdan ardıcıl ikinci qələbə
Türkiyənin Ərzurum şəhərində təlim-məşq toplanışında olan Naxçıvan təmsilçisi “Araz” bu gün növbəti yoxlama matçını keçirib. Azerisport.az xəbər verir ki, Əsgər Abdullayevin çalışdırdığı komanda “Rize Kalkanderespor"la üz-üzə gəlib.
İlk dəqiqələrdən hücuma atılan komandamız 3-cü dəqiqədə hesabı açıb. Əlimirzə Daşzərini 35 metrdən vurduğu mükəmməl qolla fərqlənib. Matçın 37-ci dəqiqəsində Əlimirzə “dubl”nu rəsmiləşdirərək komandamızın və özünün ikinci qoluna imza atıb. O, sərrastlığını bu dəfə də uzaq məsafədən - 25 metrdən nümayiş etdirib. Əsgər Abdullayevin yetirmələri fasiləyə üstün yollanıb. İkinci hissədə qapılara heç bir qol vurulmadığından oyun Naxçıvan təmsilçisinin 2:0 hesablı qələbəsiylə başa çatıb.
Qeyd edək ki, avqustun 27-dəki ilk yoldaşlıq görüşündə “Araz” “Yakutiyasporu”a da 2:0 hesabı ilə qalib gəlmişdi.
