30 avqust 2013 02:10
Qurban Qurbanov: Avropa Liqasının qrup mərhələsində oynamağa layiq idik
“Qarabağ”ın baş məşqçisi Qurban Qurbanov Avropa Liqasının pley-off mərhələsi çərçivəsində Almaniyanın “Eintracht” klubu ilə cavab oyunundan sonra fikirlərini açıqlayıb. Azerisport.az xəbər verir ki, o, 1:2 hesabıyla başa çatan görüşdən sonra bunları dilə gətirib:
“Fikrimcə, rəqibi tərləməyə məcbur edə bildik. Uşaqlar ilk dəqiqələrdən göstərdilər ki, bura uduzmağa gəlməyiblər və mübarizə aparmağa hazırdılar. Bakıda söz vermişdim ki, biz Frankfurtda daha yaxşı oyun sərgiləyəcəyik. Biz bunu etdik. Amma heç də hər şey istədiyimiz kimi alınmadı. Oyunumuz müəyyən mənada alındısa, bunu hesaba aid etmək olmaz. Erkən qol buraxmağımıza baxmayaraq, özümüz də çoxlu qol vəziyyətləri yaratdıq. Təəssüf ki, onların yalnız birindən yararlana bildik”.
Ağdam klubunun çalışdırıcısı cavab oyununda məğlubiyyətə layiq olmadıqlarını deyir: “Mən bu oyunda məğlubiyyətə layiq olduğumuzu düşünmürəm. Hətta deyərdim ki, komandam bu mövsüm sərgilədiyi oyuna görə Avroliqanın qrup mərhələsində oynamağa da layiq idi. Sadəcə, bizim bəxtmizə çox güclü rəqib düşdü. Bu, artıq üçüncü dəfədi belə olur”.
Qurbanov Reynaldonun zədə səbəbindən bu iki oyunda komandaya tam kömək edə bilməməsinə də toxunub: “Reynaldonun xidmətindən maksimum yararlanmağı biz də çox istərdik. Amma o, tam hazır deyildi. Yüz faiz hazır olmadığına görə də matçın sonlarında meydana buraxdıq. O, Bakıdakı oyunda iştirak etsəydi, hər şey fərqli ola bilərdimi? Bu barədə düşünmək istəmirəm. Artıq hər şey geridə qalıb”.
Türkiyənin “Fenerbahçe” klubunun avrokuboklardan kənarlaşdırılması səbəbindən hazırda “Qarabağ”ın da Avroliqanın qrup mərhələsinə düşmək şansı var. Bunun üçün Ağdam klubu pley-off mərhələsində məğlub olan klublar arasında atılacaq püşkə görə müəyyənləşəcək yeganə xoşbəxt komanda olmalıdı. Bəs görəsən Qurbanov bu püşkdə bəxtlərinin gətirəcəyinə nə dərəcədə ümidlidi:
Qurbanov Reynaldonun zədə səbəbindən bu iki oyunda komandaya tam kömək edə bilməməsinə də toxunub: “Reynaldonun xidmətindən maksimum yararlanmağı biz də çox istərdik. Amma o, tam hazır deyildi. Yüz faiz hazır olmadığına görə də matçın sonlarında meydana buraxdıq. O, Bakıdakı oyunda iştirak etsəydi, hər şey fərqli ola bilərdimi? Bu barədə düşünmək istəmirəm. Artıq hər şey geridə qalıb”.
Türkiyənin “Fenerbahçe” klubunun avrokuboklardan kənarlaşdırılması səbəbindən hazırda “Qarabağ”ın da Avroliqanın qrup mərhələsinə düşmək şansı var. Bunun üçün Ağdam klubu pley-off mərhələsində məğlub olan klublar arasında atılacaq püşkə görə müəyyənləşəcək yeganə xoşbəxt komanda olmalıdı. Bəs görəsən Qurbanov bu püşkdə bəxtlərinin gətirəcəyinə nə dərəcədə ümidlidi:
“Əlbəttə, biz də püşkə əsasən qrup mərhələsində oynamağı çox istərdik. Amma bunu öz oyunumuzla qazansaydıq, daha yaxşı olardı. Hesab edirəm ki, “Qarabağ”ın Avroliqanın qrup mərhələsinə düşməsi bizim daha böyük təcrübə toplamağımıza səbəb olardı, komandamızın əsl gücünü göstərmək şansımız yaranardı”.
Qurbanov “Eintracht” azarkeşlərindən də danışıb: “Stadiondakı fantastik atmosferi qeyd etməyə bilmərəm. Onlar komandalarını çox ideal şəkildə dəstəklədilər”.
