30 avqust 2013 11:45
Admir Teli: Qarabağ bu avrokuboklar mövsümündə də kiçik klub təsiri bağışlamadı
“Qarabağ”ın müdafiəçisi Admir Telinin azerisport.az saytına müsahibəsi
- Almaniya “Eintracht”ına səfərdə də məğlub oldunuz. Cavab matçını necə qiymətləndirərdiz?
- Oyun xoşuma gəldi. Uduzsaq da, qol vəziyyətlərimiz var idi. Oyunun gedişini dəyişə bilərdik. Məsələn, yenə erkən qol buraxdıq. Amma biz psixoloji cəhətdən yaxşı hazırlaşdığımız üçün, buna görə ruhdan düşmədik və qələbə qazanmağa inamımızı itirməyib sona kimi mübarizə apardıq. Qələbə qazanmağı çox istəyirdik. Lakin bunun çox çətin olacağını da dərk edirdik.
- Hər halda bu dəfə daha yaxşı müqavimət göstərdiniz, hətta qol da vurdunuz. Buna görə sevinməyə dəyər?
- Mən buna görə sevinmirəm. Çünki istənilən halda məğlub olduq və mərhələ keçə bilmədik. Sadəcə, öz oyunumuzu göstərməyi bacardıq. Azərbaycan və Albaniyanın əksər klubları kimi mübarizəni erkən dayandırmadıq. Kiçik klub təsiri bağışlamadıq. Bu da təbii ki, müəyyən qədər təsəlli verir.
- Mən buna görə sevinmirəm. Çünki istənilən halda məğlub olduq və mərhələ keçə bilmədik. Sadəcə, öz oyunumuzu göstərməyi bacardıq. Azərbaycan və Albaniyanın əksər klubları kimi mübarizəni erkən dayandırmadıq. Kiçik klub təsiri bağışlamadıq. Bu da təbii ki, müəyyən qədər təsəlli verir.
- Aleksandr Meyer bu dəfə də sizi məyus etdi...
- Biz onun səviyyəsinə bələd idik. O, elə hücumçudu ki, əlinə bircə şans düşsə, ondan yararlanmağı bacarır. Bundesliqada da çoxlu qol vurur.
- İkinci hissədə “Qarabağ” parlaq futbol sərgilədi. Bu, komandanızın ən yaxşı oyunudu?
- Mənə elə gəlir ki, biz ən yaşxı oyunumuzu İsveçdə “Gefle”yə qarşı göstərmişdik. Orda 90 dəqiqə topa nəzarəti əlimizdə saxladıq və iki cavabsız qol vurduq. Amma İsveç klubu ilə “Eintracht”ı müqayisə etmək də düzgün olmazdı.
- İkinci buraxılan qolu sizin insafınıza yazmaq olar?
- Mən mövqe səhvinə yol verdim, xətti müdafiəni pozurdum. Amma bu epizodun oyunda dönüş nöqtəsi olduğunu düşünmürəm. Mənə elə gəlir ki, oyunda dönüş nöqtəsi buraxdığımız ilk qol zamanı baş verdi. Bizə üç qol vurmaq lazım gəlirdi ki, bu da heç də asan məsələ deyildi.
- “Qarabağ” artıq neçənci dəfədi qrup mərhələsinin bir addımlığında dayanır...
- Ruhdan dşümək lazım deyil. Öz məqsədimizə çatmaq üçün daha çox çalışmalıyıq. Nəticələrimiz, oyunumuz ildən-ilə yaxşılaşır.
