2 sentyabr 2013 11:04
104-cü legioner, 4-cü ispan, 14-cü braziliyalı!
Topaz Premyer Liqasının 5-ci turunun “Qəbələ” ilə səfər oyunu daha 2 futbolçunun “Xəzər Lənkəran”da rəsmi debütü ilə yadda qaldı. Azerisport.az xəbər verir ki, bu komandanın 0:2 hesabı ilə uduzduğu matçda Deyvid Sakkoni və Edu Oriol ilk dəfə “ağ-yaşıllar”ın heyətində meydana çıxdı.
Bu matçadək klubun 9 illik tarixində 164 oyunçu rəsmi matçlara çıxmışdı. Fasilədən sonra meydana çıxan Oriol bu siyahıda 165-ci, 73-cü dəqiqədə komanda yoldaşını əvəzləyən Sakkoni isə 166-cı oldu.
Bu 166 oyunçudan milliləşənlər də nəzərə alınmaqla 104-ü legioner, 62-si yerli futbolçudu. Oriolla Sakkoniyədək 102 əcnəbi 37 ölkəni təmsil edirdi. Sakkoni klub tarixində 14-cü braziliyalı oldusa, Oriol 4-cü ispaniyalıdı. Mario Rosas, Toni Doblas və Alvaro Silvadan sonra 4-cü olan Edunun sayəsində onun ölkəsi bu klubdakı təmsilçilikdə Bolqarıstan və Portuqaliyaya çatdı. Braziliyalılar isə bu sayda hələ də 2-cidi:
Rumıniya – 18, Braziliya – 14, Türkiyə - 10, Serbiya – 7, Belarus - 5, Bolqarıstan, Portuqaliya, İspaniya – hərəsi 4, Albaniya, Argentina, Gürcüstan, Kolumbiya, Litva, Rusiya, Kosta-Rika, Mali, Xorvatiya – hərəsi 2, Çexiya, Estoniya, Fransa, Honduras, İsveç, Fil Dişi Sahili, Moldova, Nigeriya, Qana, Slovakiya, Latviya, Syerra-Leone, Qvineya, Ukrayna, Sloveniya, Yunanıstan, Almaniya, Makedoniya, Mərakeş, Kamerun – hərəsi 1.
