3 sentyabr 2013 00:14
Simurq Gürcüstana gedir
Topaz Premyer Liqasının 5-ci turu çərçivəsində səfərdə "İnter" üzərində əzmkar qələbə qazanan "Simurq" məşqçilər korpusunun qərarı ilə 4 günlük istirahətə buraxılıb. Azerisport.az xəbər verir ki, milli komandamızın DÇ-2014-ün seçmə qrup mərhələsindəki oyunları ilə əlaqədəar çempionatda yaranmış fasiləyə görə, Zaqatala təmsilçisi sentyabrın 5-də yenidən bir araya gələcək.
Elə həmin gün Gürcüstana təlim-məşq toplanışına yollanacaq komanda ayın 9-dək qonşu ölkənin paytaxtında qalacaq və burada bir yoldaşlıq görüşü keçirəcək. Ancaq Georgi Çixradenin yetirmələrinin rəqibinin kim olacağı hələ məlum deyil.
Qeyd edək ki, "Simurq" Tiflisdə tam heyətdə bir araya gələ bilməyəcək. Milli komandalarının düşərgələrində olan futbolçular bu təlim-məşq toplanışında iştirak etməyəcəklər.
"Sarı-qaralar" senytabrın 9-da ölkəyə qayıdacaq və növbəti turun oyunlarının hazırlıqlarına start verəcək.
