3 sentyabr 2013 12:47
Lior Rafaelov: Bakıdakı oyunu çox yaxşı xatırlayıram
Futbol üzrə İsrail yığmasının yarımmüdafiəçisi Lior Rafaelov DÇ-2014-ün seçmə mərhələsi çərçivəsində Azərbaycan yığmasına qarşı keçirəcəkləri oyunla bağlı fikirlərini açıqlayıb. Azerisport.az xəbər verir ki, o, yerli mətbuata müsahibəsində bunları söyləyib:
“Azərbaycanla oyun bizim üçün asan keçməyəcək. Çoxları bu komandanın bizə problem yaradacaq gücdə olmadığını düşünür. Amma mən belə söhbətləri sevmirəm. Bakıdakı oyunu çox yaxşı xatırlayıram. Unutmaq lazım deyil ki, həmin oyunda heç-heçəyə nail ola bilmişdik. Həm də çox çətinliklə”.
