4 sentyabr 2013 15:52
“Azərbaycanla ilk oyunda da qələbə qazanacağımızı düşünürdük”
Futbol üzrə İsrail yığmasının yarımmüdafiəçisi Lior Rafaelov DÇ-2014-ün seçmə mərhələsi çərçivəsində Azərbaycan və Rusiyaya qarşı keçirəcəkləri oyunlarla bağlı fikirlərini açıqlayıb. Azerisport.az xəbər verir ki, Belçikanın “Brugge” klubunda top qovan oyunçu öncə bunları söyləyib:
“Azərbaycan və Rusiya ilə oyunlar bizim üçün çox mühüm əhəmiyyət kəsb edir. Lakin hələlik bütün fikirlərimiz qarşıdakı Azərbaycanla oyuna yönəlib. Rusiya ilə görüşü yalnız ilk matçdan sonra düşünə bilərik. Çünki indi tam olaraq növbəti oyuna köklənməyimiz vacibdi. Ümid edirəm ki, azarkeşlərimiz də bizi bu oyunda yaxşı dəstəkləyəcəklər. Onların dəstəyinə ehtiyacımız çoxdu”.
“Azərbaycan və Rusiya ilə oyunlar bizim üçün çox mühüm əhəmiyyət kəsb edir. Lakin hələlik bütün fikirlərimiz qarşıdakı Azərbaycanla oyuna yönəlib. Rusiya ilə görüşü yalnız ilk matçdan sonra düşünə bilərik. Çünki indi tam olaraq növbəti oyuna köklənməyimiz vacibdi. Ümid edirəm ki, azarkeşlərimiz də bizi bu oyunda yaxşı dəstəkləyəcəklər. Onların dəstəyinə ehtiyacımız çoxdu”.
Rafaelov millimizə qarşı oynamağın asan olmayacağını dilə gətirib: “Azərbaycana qarşı oyun asan olmayacaq. Çoxları düşünür ki, bu komanda bizə problem yaradacaq gücdə deyil. Amma mən belə söhbətləri sevmirəm. Biz bu rəqiblə oyuna ciddi hazırlaşmalıyıq. Onların oyun üslubunu öyrənməliyik. Eyni zamanda meydanda qələbə qazanmaq üçün əlimizdən gələni əsirgəməməliyik. Azərbaycanla Bakıdakı oyun hələ də yadımdadı. Onda biz qələbə qazanacağımızı düşündüyümüz halda, heç-heçəyə çətinliklə nail olduq. Bu üzdən də rəqibi qiymətləndirməyə bilmərik”.
