5 sentyabr 2013 12:52
“Azərbaycana qarşı üç yarımmüdafiəçi ilə oynayacağıq”
Futbol üzrə İsrail yığmasının baş məşqçisi Eli Qutman DÇ-2014-ün seçmə mərhələsi çərçivəsində Azərbaycanla oyun öncəsi fikirlərini açıqlayıb. Azerisport.az xəbər verir ki, o, yerli mətbuata müsahibəsində öncə bunları söyləyib:
“Bu oyun öncəsi məndə böyük inam var. Daim futbolçularımla ünsiyyətdə oluram. Hamı nəhayət Ramat Qandakı oyunu səbrsizliklə gözləyir. Azərbaycanla oyunda azarkeşlərimizin dəstəyinə ehtiyac duyuruq”.
“Bu oyun öncəsi məndə böyük inam var. Daim futbolçularımla ünsiyyətdə oluram. Hamı nəhayət Ramat Qandakı oyunu səbrsizliklə gözləyir. Azərbaycanla oyunda azarkeşlərimizin dəstəyinə ehtiyac duyuruq”.
Qutman yığmamızla oyunda qələbə qazanacaqlarına şübhə etmir: “Ukrayna ilə yoxlama oyunu bizim üçün yaxşı alınmadı. Amma evdə oturub həmin oyunu dəfələrlə analiz etdim. İndi məni yalnız Azərbaycanla oyun maraqlandırır. Şəxsən mən bu oyunda qələbə qazanacağımıza inanıram”.
İsraillilərin çalışdırıcısı Rusiya ilə ev oyunundakı 0:4 hesablı məğlubiyyəti də xatırlayıb: “Mən hələ o vaxta qədər azarkeşlərimizin final fiti səslənmədən öncə stadionu tərk etdiyini görməmişdim. Bu, mənim karyeramdakı ən çətin an idi. Üzücü olan təkcə nəticə deyildi. Həm də sərgilədiyimiz oyun mənim istədiyim səviyyədə deyildi. Həmin vaxt mən çox şey öyrəndim və yığmanı dəyişdim. Göründüyü kimi, bu metod öz bəhrəsini verdi”.
55 yaşlı mütəxəssis almaniyalı həmkarı Berti Foqtsun komandasına qarşı necə oynayacaqlarından da danışıb: “Bu oyuna üç orta sahə oyunçusu ilə çıxacağıq. Honduras və Ukrayna ilə oyunlarda pis alınnmadı. Azərbaycanla da həmin sistemlə oynayacağıq. Ümid edirəm ki, bu dəfə yaxşı alınacaq”.
