8 sentyabr 2013 00:54
Qarabağın forvardının vurduğu qol Konqo yığmasına kömək etmədi
Futbol üzrə Konqo yığması DÇ-2014-ün seçmə mərhələsi çərçivəsində növbəti matçını keçirib. Azerisport.az xəbər verir ki, sözügedən komanda Nigerlə qarşılaşıb.
Oyunda qalib müəyyənləşməyib. Tərəflər hərəyə iki dəfə fərqləniblər – 2:2.
Premyer Liqamızda çıxış edən bir futbolçu da bu oyunun iştirakçısı olub. Belə ki, “Qarabağ”ın hücumçusu Ulrix Kapolonqo Konqo yığmasının heyətində 90 dəqiqə meydanda olub. O, hətta 76-cı dəqiqədə qol da vurub.
Bu nəticədən sonra Konqo yığması mübarizə apardığı E qrupunda ikinci yeri tutub və növbəti mərhələyə vəsiqə qazana bilməyib.
