8 sentyabr 2013 18:33
Yığmamız Yerusəlimi gəzdi
Futbol üzrə Azərbaycan yığmasının üzvləri bu gün Yerusəlimə yollanıblar. Azerisport.az xəbər verir ki, ötən gecə DÇ-2014-ün seçmə mərhələsi çərçivəsində Ramat Qanda İsrail yığmasının qonağı olan və 1:1 hesablı heç-heçəyə nail olan millimizin üzvləri Yerusəlimdə müxtəlif diqqətəlayiq yerlərini ziyarət ediblər.
Qeyd edək ki, Berti Foqtsun rəhbərlik etdiyi yığmamız bu gün həm də Netanyada olacaq. Komandamızın üzvləri 21 yaşadək futbolçulardan ibarət yığmamızı AÇ-2015-in seçmə mərhələsi çərçivəsində İsraillə oyunda dəstəkləyəcəklər. Hansı ki, ötən gün gənclərimiz də Ramat Qanda əsas millimizi eyni şəkildə dəstəkləmişdilər.
