9 sentyabr 2013 19:19
Rüfət Dadaşov: Millimiz bu seçmə mərhələni qələbəsiz başa vura bilməz
Futbol üzrə Azərbaycan yığmasının hücumçusu Rüfət Dadaşovun azerisport.az saytına müsahibəsi
- İsraillə oyunda hücumçularımızın işi çox az oldu. Bu, nə ilə bağlıydı?
- Ola bilər ki, hücumdakı işimiz az oldu. Amma biz eyni zamanda orta sahəyə, müdafiəyə də kömək etməyə çalışırdıq. Bu isə heç də asan deyildi. Hesab edirəm ki, bu cür rəqiblə səfərdə çox yaxşı oynadıq. İsraillə mübarizə aparmaq çox çətindi. Məncə, biz bu vəzifənin öhdəsindən gələ bildik.
- Ola bilər ki, hücumdakı işimiz az oldu. Amma biz eyni zamanda orta sahəyə, müdafiəyə də kömək etməyə çalışırdıq. Bu isə heç də asan deyildi. Hesab edirəm ki, bu cür rəqiblə səfərdə çox yaxşı oynadıq. İsraillə mübarizə aparmaq çox çətindi. Məncə, biz bu vəzifənin öhdəsindən gələ bildik.
- Nəticədən razı görünürsüz...
- Qələbə qazanmaq lazım idi. Amma bir xal da yaxşı nəticədi.
- Bəs qələbə qazanmağınıza nə mane oldu?
- Bir qədər bəxt və həlledici zərbələrimizin dəqiq olmaması.
- Bir qədər bəxt və həlledici zərbələrimizin dəqiq olmaması.
- Birinci hissədə ümumiyyətlə qapıya zərbə vura bilmədiniz. Bu, yəqin ki, həyacandan irəli gəlirdi...
- Sadəcə, rəqib çox güclü pressinq tətbiq edirdi və şübhəsiz ki, bizdən daha yaxşı oynayırdılar. Biz fasiləyə qədər sadəcə ora-bura qaçmaqla məşğul idik.
- İkinci hissədə qərara gəldiniz ki, ora-bura qaçmağa son qoyasız?
- Fasilədə bizə yeni tapşırıqlar verildi. Gördüyünüz kimi, bu, fayda verdi. İkinci hissədə rəqibdən daha yaxşı oynadıq. İlk qolu da biz vurduq. Lakin təəssüf ki, bu, qələbə üçün yetərli olmadı.
- Oyunun sonlarında rəqib demək olar ki, ruhdan düşmüşdü. Həmin dəqiqələrdə daha böyük qüvvəylə hücuma keçmək olmazdı?
- Heç-heçə ilə risk etmək istəmirdik. Amma böyük qüvvəylə hücum etmədiyimiz halda da ikinci qolu vurmaq üçün şanslarımız var idi. Etiraf etməliyəm ki, matçın sonlarında təkcə rəqib oyunçuların yox, bizim gücümüz də tükənmişdi.
- Heç-heçə ilə risk etmək istəmirdik. Amma böyük qüvvəylə hücum etmədiyimiz halda da ikinci qolu vurmaq üçün şanslarımız var idi. Etiraf etməliyəm ki, matçın sonlarında təkcə rəqib oyunçuların yox, bizim gücümüz də tükənmişdi.
- Şimali İrlandiya ilə oyundan nə gözləyək?
- Artıq Şimali İrlandiyanı öz meydanımızda məğlub etməliyik. Seçmə mərhələni qələbəsiz başa vura bilmərik.
- Artıq Şimali İrlandiyanı öz meydanımızda məğlub etməliyik. Seçmə mərhələni qələbəsiz başa vura bilmərik.
