9 sentyabr 2013 15:10
“Azərbaycanla heç-heçəni unutmaq çətin olacaq”
Futbol üzrə İsrail yığmasının müdafiəçisi Qal Alberman DÇ-2014-ün seçmə mərhələsi çərçivəsində keçirilmiş Azərbaycanla oyundan danışıb. Azerisport.az xəbər verir ki, o, Ramat Qandakı 1:1 hesablı heç-heçə ilə bağlı öncə bunları söyləyib:
“Azarkeşlərimizin keçirdiyi hissləri biz də başa düşürük, hiss edirik. Azərbaycanla oyundakı bu uğursuzluğu unutmaq çox çətin olacaq. Baxmayaraq ki, qarşıda bizi Rusiya ilə oyun gözləyir. Aydın məsələdi ki, növbəti rəqibimiz daha çətin və güclüdü. İşimiz asan olmayacaq”.
“Azarkeşlərimizin keçirdiyi hissləri biz də başa düşürük, hiss edirik. Azərbaycanla oyundakı bu uğursuzluğu unutmaq çox çətin olacaq. Baxmayaraq ki, qarşıda bizi Rusiya ilə oyun gözləyir. Aydın məsələdi ki, növbəti rəqibimiz daha çətin və güclüdü. İşimiz asan olmayacaq”.
Alberman istənilən halda bu oyunu unutmağın vacibliyini önə çəkib: “Rusiya ilə oyunda uğur qazanmaq istəyiriksə, Ramat Qandakı görüşü mütləq kənara qoymağımız lazımdı. İrəli baxmaq lazımdı. Başqa yolumuz yoxdu”.
Qeyd edək ki, İsrailin bundan əvvəlki ev oyunları da bir o qədər uğurlu alınmayıb. Bu komanda son dörd ev oyunundan yalnız birində qalib gələ bilib: “Bizim ev oyunlarımız rəqibdən daha çox özümüz üçün çətin alınır. Amma ümid edirəm ki, bundan sonrakı oyunlarda istədiyimiz nəticələrə nail ola biləcəyik. Bunun üçün bizdən asılı olan hər şeyi edəcəyik”.
Alberman həmçinin bildirib ki, Azərbaycanla oyundakı uğursuzluğa görə nəticə çıxarmağa tələsmək olmaz: “1:1 hesablı heç-heçə hələ heç nə demək deyil. Komandamızın əl oyunçuları var. Sadəcə, həmin gecə komanda istədiyi oyunu sərgiləyə bilmədi. Odu ki, nəticə çıxarmaqda tələsmək olmaz. Qarşıda digər oyunlarımız da var”.
