14 sentyabr 2013 23:30
Ariflə Saşanın oynadığı matç yarıda qaldı (YENİLƏNİB)
Futbol üzrə Türkiyə PTT Birinci Liqasında 4-cü oyunları keçirilir. Azerisport.az xəbər verir ki, azərbaycanlı futbolçuların çıxış etdiyi “Denizlispor” klubu da bu gün növbəti matçına çıxıb.
Azərbaycan millisinin yarımmüdafiəçisi Arif İsayevlə müdafiəçi Saşa Yunisoğlunun heyətində yer aldığı bu komanda evdə “Samsunspor”la qarşılaşıb. Futbolçularımızın bu oyunda meydana çıxıb-çıxmayacağı maraqla gözlənilirdi. Yeni baş məşqçi Serdar Dayat nəhayət ki, hər iki futbolçumuzu bu oyunda start heyətdə meydana buraxıb.
Lakin bu oyun yarıda qalıb. Belə ki, görüşün 57-ci dəqiqəsində "Dənizli Atatürk" stadionunun işıqlandırma sistemində problem yaranıb. Problem aradan qaldırılmayınca hakim görüşün yarıda saxlanılmasına qərar verib. Güman ki, oyun başqa bir tarixdə qaldığı yerdən davam etdiriləcək.
Qeyd edək ki, “Denizlispor” hazırda 3 xalla 15-ci pillədə qərarlaşıb.
Türkiyə PTT Birinci Liqası
4-cü tur
14 sentyabr
Denizlispor - Samsunspor - 1:0 (matç başa çatmayıb)
Qol: Barış Örücü, 51.
Matçın 24-cü dəqiqəsində rəqib futbolçu ilə toqquşan Arif İsayevin başı partlasa da, həkimlər onun qısa zamanda başı sarıqlı halda meydana dönməsinə nail olublar
