17 sentyabr 2013 17:25
Elnur Allahverdiyev XL-dan ayrıldı
Futbol üzrə Azərbaycan yığmasının müdafiəçisi Elnur Allahverdiyevin “Xəzər Lənkəran”dan gedişi rəsmiləşib. Azerisport.az saytına cənub klubundan verilən məlumata görə, futbolçu artıq bu komandaya məxsus deyil.
Belə ki, o, klub rəhbərliyi ilə görüşərək transfer vərəqəsini də alıb. Cənub təmsilçisi transfer pəncərəsi bağlandığı üçün onun azad agent kimi başqa komandaya keçməsinə şərait yaradıb.
Cənub klubunun mətbuat xidməti Allahverdiyevlə baş məşqçi Con Toşak arasında problem olduğu barədə xəbərləri də təkzib edib. Halbuki, futbolçunun məhz uelsli mütəxəssisin qərarı ilə komandadan uzaqlaşdırıldığı iddia olunur.
