18 sentyabr 2013 19:38
Ramin Musayev: Qarabağ Simurqu mərkəzi arenada qəbul etsəydi, qazon korlana bilərdi
Peşəkar Futbol Liqasının prezidenti Ramin Musayev Topaz Premyer Liqasının 7-ci turunun “Qarabağ” – “Simurq” matçının Tofiq Bəhramov adına Respublika stadionundan “Dalğa Arena”ya köçürülməsinə münasibət bildirib. Azerisport.az saytına müsahibəsində o, bunları söyləyib:
“Mərkəzi arena artıq bərpa olunub. Amma biz qazonun yenidən korlanmasını istəmirik. Əgər “Qarabağ” növbəti oyununu burda keçirsəydi, qazon korlana bilərdi. Hər şeyin tam hazır olması üçün bir qədər də gözləmək lazımdı. Bu barədə ağdamlıların baş məşqçisi Qurban Qurbanovla da söhbətimiz oldu. Danışıqlardan sonra oyunun “Dalğa Arena”da keçirilməsinə qərar verildi”.
“Mərkəzi arena artıq bərpa olunub. Amma biz qazonun yenidən korlanmasını istəmirik. Əgər “Qarabağ” növbəti oyununu burda keçirsəydi, qazon korlana bilərdi. Hər şeyin tam hazır olması üçün bir qədər də gözləmək lazımdı. Bu barədə ağdamlıların baş məşqçisi Qurban Qurbanovla da söhbətimiz oldu. Danışıqlardan sonra oyunun “Dalğa Arena”da keçirilməsinə qərar verildi”.
Bu oyunun keçirilmə yerinin UEFA prezidenti Mişel Platininin ölkəmizə səfəri ilə əlaqədar dəyişdirildiyi bildirilsə də, Musayev bunu təkzib edib: “Bunun Platininin səfəri ilə heç bir əlaqəsi yoxdu. Onun bu oyunu izləyəcəyinə dair məndə heç bir məlumat yoxdu”.
