19 sentyabr 2013 11:53
Atletikonun futbolçusu ÇL oyununda meydana Azərbaycan reklamı olmadan çıxdı
Xəbər verdiyimiz kimi, UEFA Çempionlar Liqasınını qrup mərhələsinin ilk turunun oyunları keçirilib. Azerisport.az xəbər verir ki, “Bakı”nın tərəfdaşı, azərbaycanlı iş adamı Hafiz Məmmədovun sponsorluq etdiyi “Atletiko” klubu da G qrupunda ilk oyununa çıxıb.
İspaniya təmsilçisi doğma meydanda Rusiyanın “Zenit" klubunu qəbul edib və inamlı qələbə qazanıb – 3:1. Sözügedən qarşılaşmada çox maraqlı bir hadisə də yaşanıb. Belə ki, oyuna sonradan daxil olan Leo Baptistao komanda yoldaşlarından fərqli olaraq, meydana “Azerbaijan Land of Fire” reklamı olan formayla çıxmayıb. Meydana çıxandan az sonra isə o, qol vurmağa da imkan tapıb.
İstisna olunmur ki, forma qaydalarını pozduğuna görə, Madrid təmsilçisi UEFA tərəfindən cəzalandırılsın. Lakin şübhəsiz ki, onun bu hərəkəti hamıdan daha çox azərbaycanlı azarkeşləri təəccübləndirmiş oldu. Elə isə görək 21 yaşlı futbolçu ölkəmizlə bağlı reklam olmayan formanı geyməsi təsadüfdü, yoxsa bunu qəsdən edib?
Aydın məsələdi ki, sözügedən məsələ İspaniya mətbuatında da geniş müzakirə mövzusuna çevrilib. Məhz yerli mətbuatın əldə etdiyi məlumata görə, braziliyalı futbolçu sadəcə kiçik bir yanlışlığa yol verib. O, paltardəyişmə otağından çıxarkən formaları səhv salıb: “O qədər tələsirdim ki, geyməli olduğum formanı götürmək əvəzinə başqa formanı götürmüşəm”.
Aydın məsələdi ki, sözügedən məsələ İspaniya mətbuatında da geniş müzakirə mövzusuna çevrilib. Məhz yerli mətbuatın əldə etdiyi məlumata görə, braziliyalı futbolçu sadəcə kiçik bir yanlışlığa yol verib. O, paltardəyişmə otağından çıxarkən formaları səhv salıb: “O qədər tələsirdim ki, geyməli olduğum formanı götürmək əvəzinə başqa formanı götürmüşəm”.
Lakin onun bu hərəkəti klub rəhbərliyinin də ürəyincə olmayıb. Hər halda onlar oyunçunun işinə münasibətindən narazılığını ifadə ediblər. Düzdü, Baptistao vurduğu qoldan sonra formasını dərhal dəyişdirib və üzərində reklam olan idman geyimi ilə meydana dönüb. Amma onun bu hərəkətinə görə cəzalanacağı gözlənilir.
