21 sentyabr 2013 00:28
Roman Pokora: Simurqdakı yolumu təkrarlasam, hamı buna sevinər
“Simurq”un sabiq baş məşqçisi Roman Pokora özünə yeni iş yeri tapıb. Azerisport.az xəbər verir ki, ukraynalı mütəxəssis bundan sonra karyerasını qonşu Gürcüstanda davam etdirəcək.
Azerisport.az xəbər verir ki, o, bu ölkənin “Quria” komandasının sükanı arxasına keçib. Sözügedən komanda Gürcüstanın gücünə görə ikinci sayılan Birinci Liqasında çıxış edir. Klub 1926-cı ildə yaradılıb.
Pokora bu təyinat münasibətilə azerisport.az saytına da danışıb: “Mən çox istərdim ki, bu klubda da “Simurq”dakı yolumu təkrarlayım. O vaxt biz komandanı sıfırdan yığdıq, milli çempionatda üçüncü olduq, avrokuboklarda oynadıq. Əgər bunu “Quria”da da bacarsam, hamı buna sevinər”.
Qeyd edək ki, 2006-2010-cu illər aralığında Zaqatala klubunu çalışdırmış Pokora ondan sonra ölkəsinin Birinci Liqasında çıxış edən “Energetik” və “Helios” komandalarında baş məşqçi olub. 2011-ci ildən isə o, işsiz idi.
Qeyd edək ki, 2006-2010-cu illər aralığında Zaqatala klubunu çalışdırmış Pokora ondan sonra ölkəsinin Birinci Liqasında çıxış edən “Energetik” və “Helios” komandalarında baş məşqçi olub. 2011-ci ildən isə o, işsiz idi.
