21 sentyabr 2013 11:44
Rövnəq Abdullayev: Biz Platiniyə Azərbaycan futboluna kömək üçün minnətdarıq
Bu gün AFFA Futbol akademiyasının ərazisində Azərbaycanın müxtəlif yığmaları üçün inşa ediləcək təlim-məşq bazasının inşasında ilk daşın qoyulması mərasimi keçiriləcək. Azerisport.az xəbər verir ki, mərasimdə iştirak üçün UEFA prezidenti Mişel Platini, AFFA prezidenti Rövnəq Abdullayev və AFFA-nın baş katibi Elxan Məmmədov buyurublar.
Mərasimdə həmçinin yerli futbolun təmsilçiləri - PFL rəhbəri Ramin Musayev, futbol üzrə Azərbaycan yığmasının baş məşqçisi Berti Foqts və digərləri iştirak edirlər.
AFFA prezidenti görüşlə bağlı bunları bildirib: “Çox sevindirici haldı ki, yeni bazanın tikintisində UEFA böyük rol oynayır. Tikinti UEFA-nın maliyyə vəsaiti hesabına həyata keçiriləcək. Mişel Platiniyə - bu qurumun prezidentinə də mərasimdə iştirak üçün Bakıya gəldiyinə görə təşəkkür edirik. Biz ona Azərbaycan futboluna kömək üçün minnətdarıq”.
