22 sentyabr 2013 00:34
Rusiya Azərbaycan yığmasını qabaqladı
Xəbər verdiyimiz kimi, Volqoqradda 17 yaşadək futbolçulardan ibarət yığmalar arasında təşkil olunan AÇ-2014-ün seçmə mərhələsi çərçivəsində 10-cu qrupun oyunları keçirilir. Azerisport.az xəbər verir ki, məhz bu qrupda mübarizə aparan Azərbaycan millisi də ötən ilk oyununa çıxdı.
Millimiz ilk oyununda İslandiya ilə üz-üzə gəldi. Nikolay Adamın yetirmələri ilk oyununda bir xalla kifayətlənməli oldu – 3:3.
Qrupun digər oyununda isə meydan sahibi Rusiya Slovakiya ilə qarşılaşıb. Bu oyunda 2:1 hesabıyla qalib gələn ruslar qrupun vahid liderinə çevriliblər.
Qeyd edək ki, bu qrupun digər oyunları sentyabrın 23-də keçiriləcək. Həmin gün Azərbaycan Rusiya, İslandiya isə Slovakiya ilə üz-üzə gələcək.
