23 sentyabr 2013 20:55
Azərbaycan Avstriyaya da uduzdu (YENİLƏNİB)
Avstriyada 19 yaşadək qızlardan ibarət futbol yığmaları arasında təşkil olunan AÇ-2014-ün seçmə mərhələsi çərçivəsində 1-ci qrupun oyunları keçirilib. Azerisport.az xəbər verir ki, məhz bu qrupda mübarizə aparan Azərbaycan millisi də növbəti oyununa çıxıb.
Millimiz bu dəfə meydan sahibi olan avstriyalılarla üz-üzə gəlib. Patrisia Qonsalesin yetirmələrinin bu dəfə nəyə nail olacağı maraqla gözlənilirdi. Təəssüf ki, komandamız bu görüşdən də məğlub ayrılıb.
Xatırladaq ki, Azərbaycan yığması ilk oyununda xorvatlarla üz-üzə gəlmiş və 1:3 hesablı məğlubiyyətlə üzləşmişdi. Avstriya yığması isə startda İsraili 8:0 hesabıyla darmadağın etmişdi.
Qeyd edək ki, bu gün qrupun digər oyununda Xorvatiya İsraillə qarşılaşıb. Xorvatlar böyük hesabla qalib gəliblər - 5:0.
AÇ-2014-ün seçmə mərhələsi
1-ci qrup
23 sentyabr
Avstriya - Azərbaycan - 2:0 (2:0)
Qollar: Hasler, 31, Bauer, 42.
Baş hakim: Donka Yeleva-Terziyeva (Bolqarıstan)
Trumau. “Sportzentrum” stadionu.
Avstriya: 1. Pal, 3. Vurzinger, 4. Hasler, 15. Mayerhofer, 16. Krammer, 17. Çarvat, 9. Bauer, 13. Sottner (7. Qatea, 62), 18. Mahr, 11. Billa (k), 14. Şvartsmüller (12. Leytner, 46).
Ehtiyat oyunçular: 21. Lixtenberger, 8. Ehold, 5. Kuba, 6. Kohn, 10. Stokinger.
Baş məşqçi: İrene Fuhrmann
Azərbaycan: 1. Şərifova, 3. Perarnau, 6. İltər, 7. Heydərova (k), 17. Şioşvili (18. Taylor, 69), 5. Danqadze, 9. Ronaqi, 10. Cəlilli, 13. Əliyeva, 11. Nəsirova, 14. Anaya (8. Vəliyeva, 46).
Ehtiyat oyunçular: 12. Hülya Cin, 15. Məmmədova, 16. Hillebrand, 4. Bağırova.
Baş məşqçi: Patrisiya Qonsales.
| 1 | Avstriya | 2 | 2 | 0 | 0 | 10 | 0 | 10 | 6 |
| 1 | Xorvatiya | 2 | 2 | 0 | 0 | 8 | 1 | 7 | 6 |
| 1 | Azərbaycan | 2 | 0 | 0 | 2 | 1 | 5 | -4 | 0 |
| 1 | İsrail | 2 | 0 | 0 | 2 | 0 | 13 | -13 | 0 |
