25 sentyabr 2013 00:43
Andrey Popoviç Türkiyə Kubokunda oynadı, komandası penaltilərlə mərhələ adladı
Futbol üzrə Türkiyə Kubokunda 2-ci turun oyunları keçirilir. Azerisport.az xəbər verir ki, “Tavşanlı Linyitspor” klubu da bu mərhələdə qüvvəsini sınayıb.
Sözügedən komanda “Dardanelspor”la qarşılaşıb. Futbol üzrə Azərbaycan yığmasının qapıçısı Andrey Popoviç də bu görüşün iştirakçısı olub. PTT Birinci Liqa matçlarında ehtiyatda qalan futbolçumuz nəhayət kubok oyununda yeni komandasında debüt edə bilib. Çempionatda daha çox əsas heyətdə meydana çıxan millimizin sabiq müdafiəçisi Usim Nduka isə bu görüşə 59-cu dəqiqədə qoşulub və sona kimi meydanda olub.
Oyuna gəlincə, 90 dəqiqə qolsuz tamamlanıb. Əlavə vaxtda da qol vurulmayınca, qalibi müəyyənləşdirmək üçün penalti zərbələrinə ehtiyac duyulub. Bu mübarizədən futbolçularımızın komandası qalib ayrılıb – 6:5. Nəticədə, “Tavşanlı Linyitspor” adını Türkiyə Kubokunun 3-cü turuna yazdırıb.
Türkiyə Kuboku
2-ci tur
24 sentyabr
Tavşanlı Linyitspor – Dardanelspor – 0:0 (penaltilərlə 6:5)
