24 sentyabr 2013 14:08
Birinci Divizion klublarının da cəzaları açıqlandı
Bu gün AFFA İntizam Komitəsinin növbəti iclası keçirilib. Azerisport.az xəbər verir ki, aparılan müzakirələrdən sonra futbol üzrə Azərbaycan Birinci Divizionunun 2-ci turunun oyunları ilə bağlı aşağıdakı qərarlar çıxarılıb.
“Kəpəz” – “Neftçala” matçının 75-ci dəqiqəsində “Neftçala”nın futbolçusu Tanrıverdi Məhərrəmli hakimi təhqir etdiyinə görə birbaşa qırmızı vərəqə alaraq meydandan kənarlaşdırıldığı üçün 4 oyunluq cəzalanıb, klubu 400 manat cərimə olunub.
MOİK – “Mİl-Muğan” matçında MOİK-in 4 futbolçusu sarı vərəqə ilə cəzalandığı üçün klub 100 manat cərimə olunub.
“Karvan” – “Qaradağ Lökbatan” matçında hər iki klubunun 4 futbolçusu sarı vərəqə ilə cəzalandığı üçün klublar 100 manat cərimə olunublar.
“Lokomotiv” – “Ağsu” matçında hər iki klubunun 4 futbolçusu sarı vərəqə ilə cəzalandığı üçün klublar 100 manat cərimə olunublar.
