24 sentyabr 2013 17:46
Paytaxt klubunda ilk xorvat qolçu
Premyer Liqanın 7-ci turunda keçirilən “İnter” - “Bakı” matçı meydan sahibləri üçün bir sıra statistik göstəricilərlə də yadda qaldı. Azerisport.az xəbər verir ki, bu oyunda fərqlənən Aleksandr İaşvili və Matiya Şpiçiç “İnter”in heyətində Azərbaycan Çempionatının qarşılaşamalarında qol vurmaq müyəssər olmuş 77-ci və 78-ci futbolçular oldular.
Əgər təcrübəli İaşvili sayca 8-ci gürcüdürsə, Şpiçiç ölkə çempionatında “İnter”in heyətində qol vura bilmiş ilk xorvat oldu.
Xatırladaq ki, çempionat matçlarında “İnter”də hazırda çıxış edən ən yaxşı bombardir Baçana Sxadadzedir. Onun hesabında 18 qol var.
Qeyd etmək lazımdı ki, klubun tarixində yerli futbolçular istisna olmaqla komandanın heyətində Belarusdan, Ukraynadan, Serbiyadan, Nigeriyadan, Litvadan, Uruqvaydan, Bolqarıstandan, Çex Respublikasından, Boliviyadan, Latviyadan, Moldovadan, Braziliyadan, Makedoniyadan, Seneqaldan, Toqodan, Konqodan və Xorvatıstandan olan futbolçular fərqlənə bilmişdilər.
