27 sentyabr 2013 00:17
Rusiya yığması Azərbaycanla oyun öncəsi itki ilə üzləşdi
Futbol üzrə Rusiya yığması DÇ-2014-ün seçmə mərhələsi çərçivəsində Lüksemburq və Azərbaycana qarşı keçirəcəyi səfər oyunları öncəsi itki ilə üzləşib. Azerisport.az xəbər verir ki, yarımmüdafiəçi Denis Çerışev bu görüşlərdə komandasına kömək edə bilməyəcək.
İspaniyanın “Sevilla” klubunda top qovan gənc futbolçu 6-cı turun “Rayo Valekano” ilə görüşündə zədə alıb. Bu üzdən o, matçın 16-cı dəqiqəsində əvəzlənmək məcburiyyətində qalıb. Həkim müayinəsindən sonra futbolçunun bir müddət yaşıl meydanlardan kənarda qalacağı müəyyənləşib.
Bu üzdən də o, oktyabrın 11 və 15-də keçiriləcək Lüksembruq və Azərbaycanla oyunlarda Rusiya yığmasına kömək edə bilməyəcək.
