27 sentyabr 2013 00:49
Ruslan Abışov ehtiyatda qaldı, Rubin yenə xal itirdi (YENİLƏNİB)
Futbol üzrə Rusiya Premyer Liqasında 10-cu turun oyunları keçirilib. Azerisport.az xəbər verir ki, Azərbaycan millisinin müdafiəçisi Ruslan Abışovun çıxış etdiyi “Rubin” bu tur “Dinamo” ilə üz-üzə gəlib.
Oyun doğma meydanda keçirilirdi. Bu üzdən də həmyerlimizin komandası bu oyundan mütləq qalib ayrılmağı hədəfləmişdi. Amma kazanlılar yenə də heç-heçə ilə kifayətləniblər.
“Rubin”in baş məşqçisi Kurban Berdiyevin Ruslana bu dəfə şans verib-verməyəcəyi maraqla gözlənilirdi. Futbolçumuz matçın iştirak ərizəsində yer alsa da, sonadək ehtiyatda qalıb.
Qeyd edək ki, “Rubin” geridə qalan 10 turda 13 xal toplaya bilib və 10-cu pillədə qərarlaşıb.
Rusiya Premyer Liqası
10-cu tur
26 sentyabr
Rubin - Dinamo - 2:2
