26 sentyabr 2013 16:36
Paytaxt klubunda yubiley ilklə yadda qaldı
"Rəvan” Topaz Premyer Liqasının 8-ci turunda "Qəbələ” ilə qarşılaşdı. Azerisport.az xəbər verir ki, paytaxt klubunun adıçəkilən regiondakı ilk məğlubiyyətini aldığı görüşdə müdafiəçi Sohib Savankulov yubiley müəllifi oldu.
Belə ki, Premyer Liqamızda oynamış ilk tacik futbolçu kimi tarixə düşən müdafiəçi həm də elita oyunlarında "Rəvan” forması geyinmiş 70-ci oyunçu oldu. Qeyd edək ki, buna qədər cari mövsümdə 13 futbolçu "sarı-qırmızı” forma ilə ilk dəfə Premyer Liqa həyəcanı yaşamışdı.
Bunlar Ceyhun Cavadov, Sebastyan Kastro-Telyo, Novruz Məmmədov, Rəşad Abdullayev, İvan Pexa, Elvin Həsənəliyev, Elnur Abdulov, Bəxtiyar Soltanov, Mişel Balokoq, Kamil Nurəhmədov, Əziz Quliyev, Aqil Nəbiyev və Cəmşid Məhərrəmov idi.
