28 sentyabr 2013 20:55
Branimir Subaşiçsiz Orduspor ilk məğlubiyyətinə üzüldü (YENİLƏNİB)
Futbol üzrə Türkiyə PTT Birinci Liqasında 7-ci turun oyunları keçirilib. Azerisport.az xəbər verir ki, Azərbaycan millisinin hücumçusu Branimir Subaşiçin çıxış etdiyi “Orduspor” klubu da bu gün növbəti matçına çıxıb.
Serb əsilli milliləşən futbolçumuzun komandası evdə “İstanbul BB” ilə qarşılaşıb. Görüş qonaqların minimal hesablı qələbəsi ilə başa çatıb. Qeyd edək ki, bu, "Orduspor"un yeni mövsümdəki ilk məğlubiyyəti olub.
Subaşiçin bu oyunda meydana çıxıb-çıxmayacağı maraqla gözlənilirdi. Təəssüf ki, zədəli olan forvard bu görüşün də iştirak ərizəsində yer almayıb.
Qeyd edək ki, “Orduspor” geridə qalan turlarda 13 xal toplayıb və ikinci pillədə qərarlaşıb.
Türkiyə PTT Birinci Liqası
7-ci tur
28 sentyabr
Orduspor - İstanbul BB - 0:1
