1 oktyabr 2013 13:45
Baş məşqçiyə 5 oyunluq cəza!
AFFA İntizam Komitəsinin bu gün keçirilən iclasında futbol üzrə Azərbaycan Birinci Divizionunun 3-cü turunun oyunları ilə də bağlı müəyyən qərarlar çıxarılıb. Azerisport.az sizi həmin qərarlarla tanış edir.
“Turan-T” – “Karvan” matçında “Karvan”ın 4 futbolçusu sarı vərəqə ilə cəzalandığı üçün klub 100 manat cərimə olunub.
“Lokomotiv” – “Neftçala” matçının 78-ci dəqiqəsində “Lokomotiv”in futbolçusu Kənan Cəfərov qeyri-idman hərəkətinə görə ikinci sarı vərəqə alaraq meydandan kənarlaşdırıldığı üçün 1 oyunluq cəzalanıb, klubu 20 manat cərimə olunub.
“Qaradağ Lökbatan” – “Kəpəz” matçının 85-ci dəqiqəsində “Qaradağ Lökbatan”ın futbolçusu Vüsal Səfərov qeyri-idman hərəkətinə görə ikinci sarı vərəqə alaraq meydandan kənarlaşdırıldığı üçün 1 oyunluq cəzalanıb, klubu 20 manat cərimə olunub.
“Ağsu” – “Şahdağ” matçında “Şahdağ”ın 4 futbolçusu sarı vərəqə ilə cəzalandığı üçün klub 100 manat cərimə olunub. Oyunun 59-cu dəqiqəsində “Şahdağ”ın futbolçusu Qvanzar Məhəmmədov hakimi təhqir etdiyinə görə birbaşa qırmızı vərəqə alaraq meydandan kənarlaşdırıldığı üçün 4 oyunluq cəzalanıb, klubu 400 manat cərimə olunub. Oyun başa çatdıqdan sonra “Şahdağ”ın baş məşqçisi Kamran Əlibabayev hakimləri təhqir etdiyi üçün 5 oyunluq cəzalanıb, klubu 500 manat cərimə olunub. Oyun başa çatdıqdan sonra “Şahdağ”ın futbolçusu Sərxan Ağayev qeyri-etik hərəkətə görə (dəyişiklik tablosunu ayaqla sındırdığına görə) 3 oyunluq cəzalanıb, klubu 200 manat cərimə olunub.
