1 oktyabr 2013 14:49
AFFA bir hakimi futboldan uzaqlaşdırdı
Futbol üzrə U-17 Liqada 2013/2014-cü il mövsümünə start verilib. Azerisport.az xəbər verir ki, birinci tur çərçivəsində baş tutan "İnter" - "Qəbələ" matçı qalmaqalla yadda qalıb.
Belə ki, bu oyunda baş hakim Elməddin İsgəndərovun verdiyi penalti aranı qatıb. Bu azmış kimi o, "İnter"in iki futbolçusunu da meydandan qovub. Bundan sonra isə "İnter" rəhbərliyi hakimə hücum çəkib.
Qeyd edək ki, matç "Qəbələ"nin 4:2 hesablı üstünlüyü ilə başa çatıb. Lakin İsgəndərovun bu hakimliyi ona baha başa gəlib. Təkrara baxarkən onun verdiyi penaltinin düzgün qərar olmadığı üzə çıxıb. AFFA Hakimlər Komitəsi artıq bu üzdən onu hakimlikdən tamamilə uzaqlaşdırıb.
