1 oktyabr 2013 16:47
Dünya futbolu hələ belə penalti görməmişdi (VİDEO)
Xəbər verdiyimiz kimi, dünən U-17 Liqanın 1-ci turu çərçivəsində keçirilmiş “İnter” - “Qəbələ” matçı böyük qalmaqalla yadda qaldı. Azerisport.az xəbər verir ki, qalmaqalın səbəbkarı isə matçın bah hakimi Elməddin Əsgərov oldu.
Belə ki, o, “İnter”in oyunçusunun əl ilə oynamasını əsas gətirərək 11 metrlik cərimə zərbəsi təyin etdi, halbuki ondan başqa hamı həmin epizodda hər hansı bir əl ilə oyunu görmədi və əl ilə oyundan söhbət belə gedə bilməzdi.
“İnter”in U-17 komandasının baş məşqçisi Vəli Hüseynov həmin epizodu belə şərh edib: “Həmin epizod komandamızı tamamilə sındırdı. Orada penalti yox idi və hamı bunu gördü. Düşünürəm ki, belə hakimlər oyunları idarə etməsinlər. Axı belə qərarlarla onlar gənc futbolçuların psixikasını pozur. Bəli, biz hesabda geridə idik, iki qırmızı vərəqə aldıq, lakin buna baxmayaraq uşaqlar sonadək mübarizə apardılar. Bizim futbolçulara heç bir iradımız yoxdur. Ancaq çox istərdik ki, bu hakimin qərarları cəzasız qalmasın, əks halda onun hərəkətlərindən digər komandalar da zərər görə bilər”.
