2 oktyabr 2013 11:52
Berti Foqts DÇ-2014-ün seçmə mərhələsinin son iki oyunu üçün 25 futbolçu çağırdı
DÇ-2014-ün seçmə mərhələsi çərçivəsində oktyabrın 11-də Şimali İrlandiya, oktyabrın 15-də isə Rusiya yığması ilə qarşılaşacaq və bu oyunlara hazırlıq məqsədilə oktyabrın 5-dən 15-dək Bakı şəhərində təlim-məşq toplanışı keçirəcək Azərbaycan milli komandasının heyəti açıqlanıb. Azerisport.az xəbər verir ki, baş məşqçi Berti Foqts yığmamıza 25 futbolçu dəvət edib.
Onların siyahısını təqdim edirik:
Qapıçılar: Kamran Ağayev (Bakı), Anar Nəzirov (Sumqayıt), Səlahət Ağayev (İnter);
Müdafiəçilər: Rəşad Sadıqov, Maksim Medvedev, Bədavi Hüseynov (hamısı “Qarabağ”), Vladimir Levin, Elnur Allahverdiyev (hər ikisi “Qəbələ”), Rasim Ramaldanov (Xəzər Lənkəran), Mahir Şükürov (Neftçi), Ruslan Əmircanov (İnter), Ufuk Budak (Əskişəhərspor, Türkiyə);
Yarımmüdafiəçilər: Əli Gökdemir (Hannover, Almaniya), Qara Qarayev (Qarabağ), Ruslan Abışov (Rubin, Rusiya), Rəşad Sadiqov, Araz Abdullayev (hər ikisi “Neftçi”), Rahid Əmirquliyev (Xəzər Lənkəran), Cavid Hüseynov, Əfran İsmayilov (hər ikisi “Bakı”);
Hücumçular: Vaqif Cavadov (İnter), Vüqar Nadirov (Qarabağ), Rauf Əliyev (Bakı), Cihan Özkara (Sivasspor, Türkiyə), Rüfət Dadaşov (Kayzerslautern, Almaniya).
Bu 25 oyunçu ilə yanaşı Foqts daha beş futbolçunun adını ehtiyat heyətə salıb. Bunlar “Bakı”dan Şəhriyar Əliyevlə Elvin Məmmədov, “İnter”dən Elhad Nəziri, “Simurq”dan İlkin Qırtımov, “Sumqayıt”dan Pərdis Fərcad-Azaddı.
Qeyd edək ki, Ufuk Budak və Rüfət Dadaşov toplanışda oktyabrın 6-dan, Ruslan Abışov və Cihan Özkara oktyabrın 7-dən etibarən iştirak edəcək. Əli Gökdəmirin millinin toplanışına qoşulacağı vaxt barədə daha sonra məlumat veriləcək.
