3 oktyabr 2013 22:52
Abışov 74 dəqiqə oynadı, Rubin 4 qolla güldü (YENİLƏNİB)
UEFA Avropa Liqasında qrup mərhələsinin 2-ci turunun oyunları keçirilib. Azerisport.az xəbər verir ki, futbol üzrə Azərbaycan millisinin müdafiəçisi Ruslan Abışovun şərəfini qoruduğu Rusiyanın “Rubin” klubu da bu gün növbəti matçına çıxıb.
Həmyerlimizin komandası Belçikanın “Sulte-Varegem” komandasını qəbul edib. İlk turda səfərdə Sloveniya “Maribor”una qalib gələn Kazan klubu ardıcıl ikinci qələbəsini qazanıb.
Premyer Liqa oyunlarında meydana çıxmaq şansı qazanmayan Ruslan Avroliqa matçında forma geyib. Belə ki, baş məşqçi Kurban Berdıyev ona ilk dəqiqələrdən meydanda olmaq fürsəti verib. Lakin Abışov komandası 2:0 önə keçən kimi, 74-cü dəqiqədə əvəzlənib.
Avropa Liqası
Qrup mərhələsi
D qrupu
3 oktyabr
Rubin - Sulte-Varegem - 4:0 (0:0)
