3 oktyabr 2013 17:16
Bəhram Bağırzadə milli azarkeşlərini stadiona səslədi (VİDEO)
2014-cü ildə Braziliyada keçiriləcək Dünya Çempionatının seçmə mərhələsi çərçivəsində Azərbaycan milli komandası son iki oyununu - oktyabrın 11-də Şimali İrlandiya, oktyabrın 15-də isə Rusiya yığması ilə "Bakcell Arena"da keçirəcək. Azerisport.az xəbər verir ki, bunu nəzərə alan AFFA bilet satışında yeni kampaniyaya start verib.
Belə ki, biletlərin müəyyən hissəsi güzəştli şərtlərlə olacaq və 2 oyuna bir bilet satılacaq. Bu kampaniyadan faydalanmaq istəyən azarkeşlər sektorundan asılı olaraq 10 və 12 manata 2 oyun üçün (Azərbaycan - Şimali İrlandiya və Azərbaycan - Rusiya) bilet əldə etmək hüququ qazanacaq. Biletlərin qalan hissəsi isə hər oyun üçün ayrılıqda satılacaq (Biletlərin qiyməti ilə aşağıdakı cədvəldə ətraflı tanış ola bilərsiniz) .
Qeyd edək ki, yeni kampaniyaya bilet satışı başlayan gün - sentyabrın 20-də, saat 12:00-da start verilib. Biletləri "Bakcell Arena"nın kassalarından, Park Bulvar Alış-Veriş və 28 Mall Ticarət Mərkəzlərindən ala bilərsiniz.
