6 oktyabr 2013 13:52
Yığmamız Şimali İrlandiya və Rusiya üçün başladı
DÇ-2014-ün seçmə mərhələsi çərçivəsində oktyabrın 11-də Şimali İrlandiya, oktyabrın 15-də isə Rusiya yığması ilə qarşılaşacaq Azərbaycan millisi artıq bu qarşılaşmalara hazırlığa start verib. Azerisport.az xəbər verir ki, komandamız iki gündü ki, baş məşqçi Berti Foqtsun rəhbərliyi altında məşq edir.
Artıq bir neçə məşqə çıxan komandamızın hazırlıq prosesi mətbuat üçün qapalıdı. Jurnalistlərin yığmamızın məşqlərinə oktyabrın 8-də buraxılması nəzərdə tutulub.
Foqts hazırda 20 futbolçu ilə hazırlıq keçir. Ufuk Budakla Rüfət Dadaşov yığmamızın düşərgəsinə bu gün qoşulacaq. Sabah isə Ruslan Abışov, Cihan Özkara və Əli Gökdəmirin də düşərgəyə təşrif buyurması gözlənilir.
Qeyd edək ki, baş məşqçi Berti Foqts Şimali İrlandiya və Rusiya ilə oyunlar üçün yığmamıza 25 futbolçu dəvət edib:
Qapıçılar: Kamran Ağayev (Bakı), Anar Nəzirov (Sumqayıt), Səlahət Ağayev (İnter);
Müdafiəçilər: Rəşad Sadıqov, Maksim Medvedev, Bədavi Hüseynov (hamısı “Qarabağ”), Vladimir Levin, Elnur Allahverdiyev (hər ikisi “Qəbələ”), Rasim Ramaldanov (Xəzər Lənkəran), Mahir Şükürov (Neftçi), Ruslan Əmircanov (İnter), Ufuk Budak (Əskişəhərspor, Türkiyə);
Yarımmüdafiəçilər: Əli Gökdemir (Hannover, Almaniya), Qara Qarayev (Qarabağ), Ruslan Abışov (Rubin, Rusiya), Rəşad Sadiqov, Araz Abdullayev (hər ikisi “Neftçi”), Rahid Əmirquliyev (Xəzər Lənkəran), Cavid Hüseynov, Əfran İsmayilov (hər ikisi “Bakı”);
Hücumçular: Vaqif Cavadov (İnter), Vüqar Nadirov (Qarabağ), Rauf Əliyev (Bakı), Cihan Özkara (Sivasspor, Türkiyə), Rüfət Dadaşov (Kayzerslautern, Almaniya).
Bu 25 oyunçu ilə yanaşı Foqts daha beş futbolçunun adını ehtiyat heyətə salıb. Bunlar “Bakı”dan Şəhriyar Əliyevlə Elvin Məmmədov, “İnter”dən Elhad Nəziri, “Simurq”dan İlkin Qırtımov, “Sumqayıt”dan Pərdis Fərcad-Azaddı.
