8 oktyabr 2013 17:54
“Azərbaycana qalib gələ bilməsək, futbol oynamağa davam etməyin mənası yoxdu”
Futbol üzrə Şimali İrlandiya yığmasının və İngilərənin “Haddersfild Taun” klubunun yarımmüdafiəçisi Oliver Norvud DÇ-2014-ün seçmə mərhələsi çərçivəsində oktyabrın 11-də Bakıda Azərbaycan millisinə qarşı keçirəcəkləri oyun öncəsi fikirlərini açıqlayıb. Azerisport.az xəbər verir ki, o, yerli mətbuata müsahibəsində öncə bunları söyləyib:
“Bizim azarkeşlərimiz qarşısında borcumuz var. Lüksemburqla görüşdən sonra onlar bizim ünvanımıza bir sıra kəskin ifadələr işlətdilər. Biz indi komanda olaraq bu vəziyyəti düzəltməliyik. Əgər qarşıdakı oyunlarda altı xal qazana bilsək, münaqişə öz həllini tapar. Ancaq buna nail olmaq çox çətin olacaq. İstənilən halda Azərbaycan və İsrailə səfərdə qalib gələcəyimizə inanmağımız lazımdı. Əks halda futbol oynamağın mənası yoxdu”.
“Bizim azarkeşlərimiz qarşısında borcumuz var. Lüksemburqla görüşdən sonra onlar bizim ünvanımıza bir sıra kəskin ifadələr işlətdilər. Biz indi komanda olaraq bu vəziyyəti düzəltməliyik. Əgər qarşıdakı oyunlarda altı xal qazana bilsək, münaqişə öz həllini tapar. Ancaq buna nail olmaq çox çətin olacaq. İstənilən halda Azərbaycan və İsrailə səfərdə qalib gələcəyimizə inanmağımız lazımdı. Əks halda futbol oynamağın mənası yoxdu”.
22 yaşlı futbolçu son oyunlarını xatırlayıb və Bakıdakı oyunda uğur qazanacaq gücdə olduqlarını vurğulayıb: “Maykl O`Nilin öz oyun üslubu var. Bu oyunla Rusiyanı məğlub edə bilsək də, Portuqaliyaya uduzduq. Amma azlıqda qalmasaydıq, həmin oyunda da xal qazana bilərdik. Lüksemburqla oyunda isə böyük məyusluq yaşadıq. İstənilən halda biz öz oyunumzla Rusiya, Portuqaliya kimi komandalarla mübarizə aparmağa qadir olduğumuzu göstərə bilmişik. Komandamız gənc və təcrübəli futbolçuların sintezindən formalaşıb. Bu, qarşıdakı oyunlarda lehimizə işləyə bilər”,
Yarımmüdafiəçi yığmamıza qarşı oynamağa hazır olduğunu söyləyib: “Baş məşqçi mənə inanır və güvənir. O, hətta ən vacib görüşlərdə də məni meydana buaxır. İndi isə Azərbaycan və İsraillə görüşlərə dəvət olunmuşam. Ümid edirəm ki, o, bu oyunlarda mənə də güvənəcək. Baş məşqçi yığmada çox yaxşı işlər görür”.
O, uzaq yolçuluğun komandaya təsir etməyəcəyini də sözlərinə əlavə edib: “Buna görə şikayətlənə bilmərik. Bu, futbolun ayrılmaz bir hissəsidi. Biz öncə Azərbaycana, daha sonra isə İsrailə gedib sonadək mübarizə aparmağa hazır olmalıyıq”.
Norvud onu da bildirib ki, Azərbaycanla Bakıdakı oyun Belfastdakından fərqlənəcək: “Bu, tamamilə fərqli təcrübə olacaq. Necə də olsa, səfər oyunlarındakı atmosfer evdə alışdığımızdan fərqli olur. Hər halda, maraqlı olacaq”.
