10 oktyabr 2013 00:33
Xəzər Lənkəran Con Toşaksız hazırlaşır
“Xəzər Lənkəran” Premyer Liqanın 10-cu turunun “Simurq”la oktyabrın 19-da səfərdə keçiriləcək oyununa doğma şəhərdə hazırlaşır. Azerisport.az xəbər verir ki, komanda ötən gün iki dəfə məşq edib.
Səhər 10:30-da və saat 17:30-da stadionun ehtiyat meydançasında keçirilən hazırlıq prosesində komanda üzvləri yenə də fiziki hazırlıq üzrə məşqçi Covanni Melkiorenin amansız məşqlərindən yorulublar. İtaliyalı mütəxəssis əvvəlcə futbolçuları fiziki hərəkətləri yerinə yetirməklə, sonra isə baş məşqçi Con Toşakın İspaniyaya yollanmazdan öncə tərtib etdiyi proqram üzrə taktiki məşqlərdə çalışdırıb.
Qeyd edək ki, milli komandaların düşərgələrində olan Rahid Əmirqliyev, Rasim Ramaldanov, eləcə də Orxan Sadıqlı, Ağabala Ramazanov və Kamran Abdullazadə məşqlərə qatılmırlar.
