12 oktyabr 2013 18:46
Rusiya yığması Azərbaycan ilə oyuna itkilərlə hazırlaşır
Futbol üzrə Rusiya yığmasının yarımmüdafiəçisi Yuri Jirkov DÇ-2014-ün seçmə mərhələsi çərçivəsində Azərbaycana qarşı Bakıdakı görüşdə forma geyə bilməyəcək. Azerisport.az xəbər verir ki, Moskva “Dinamo”sunun futbolçusu sıradan çıxıb.
O, ötən gecə Lüksemburqla səfər matçında zədələnib. Zədəsi ciddi olan futbolçunun dəqiq nə vaxt yaşıl meydanlara qayıdacağına “Dinamo”da ətraflı müayinədən keçdikdən sonra aydınlıq gələcək. Amma futbolçunun millimizlə qarşılaşmada forma geyməyəcəyi dəqiqdi.
Rusiya mətbuatının məlumatına görə, bu gündən Moskvada yığmamızla oyunun hazırlıqlarına start verən rəqib komandanın heyətində qapıçı İqor Akinfeyev, müdafiəçi Vasili Berezutski, yarımmüdafiəçi Aleksandr Səmədovun da ilk məşqdə iştirak etməyib. Buna onların yüngül zədəsinin olması səbəb göstərilir. Amma bu futbolçuların Bakıdakı oyuna qədər sıraya dönməsi istisna olunmur.
Qeyd edək ki, Azərbaycan – Rusiya matçı oktyabrın 15-də keçiriləcək.
Qeyd edək ki, Azərbaycan – Rusiya matçı oktyabrın 15-də keçiriləcək.
