13 oktyabr 2013 18:36
Foqts rusiyalı jurnalistləri millimizin məşqini izləməyə qoymadı
Futbol üzrə Azərbaycan yığması DÇ-2014-ün seçmə mərhələsi çərçivəsində qarşılaşacağı Rusiya ilə oyunun hazırlıqlarını davam etdirir. Azerisport.az xəbər verir ki, millimiz bu gün İsmət Qayıbov adına Suraxanı qəsəbə stadionunda növbəti məşqə çıxıb.
Berti Foqtsun yetirmələri məşqə 40 dəqiqəlik gecikmə ilə gəliblər. Hazırlıq prosesində komandamızın bütün üzvləri iştirak ediblər. Hətta sarı vərəqə limitinə görə Rusiya ilə oyunda iştirak edə bilməyəcək Rasim Ramaldanov da komanda yoldaşları ilə birgə məşq edib.
Bu məşqin sonadək jurnalistlər üçün açıq olması planlaşdırılmışdı. Lakin stadionda iki rus jurnalistin də olduğunu eşidən Foqts 20 dəqiqə sonra media nümayəndələrinin arenanın tərk etməsini istədi.
Bu məşqin sonadək jurnalistlər üçün açıq olması planlaşdırılmışdı. Lakin stadionda iki rus jurnalistin də olduğunu eşidən Foqts 20 dəqiqə sonra media nümayəndələrinin arenanın tərk etməsini istədi.
