14 oktyabr 2013 20:31
Fabio Kapello: Azərbaycan ilə oyunda heç-heçə bizi maraqlandırmır
Rusiya yığma komandasının baş məşqçisi Fabio Kapello futbol üzrə 2014-cü il dünya çempionatının seçmə mərhələsi çərçivəsində sabah keçiriləcək Azərbaycan - Rusiya oyunu ilə bağlı keçirilmiş mətbuat konfransında jurnalistlərin suallarını cavablayıb. Azerisport.az Kapellonun fikirlərini diqqətinizə çatdırır:
Azərbaycan yığması haqqında
Məm Şimali İrlandiya ilə oyunu görmüşdüm. Azərbaycan yığmasında Moskvadakı oyunla müqayisədə çoxlu dəyişikliklər olub. Heyətdə səkkiz yeni oyunçu var. Şimali irlandiyalılara layiqli qalib gəldiniz. Ancaq biz səhər öz oyunumuzu göstərməliyik.
“Bakcell Arena”nın ot örtüyü haqqında
Oyunun keçirilmə yerini mən seçməmişəm. Bizə bunu yalnız qəbul etmək qalır. Aqronom bizdən qapıçı meydançasını istifadə etməməyi xahiş etdi ki, örtük korlanmasın.
Aleksandr Səmədov haqqında
Son günlər biz Lüksemburqla oyun barədə düşünürdük, meydandankənar hadisələr barəsində deyil. Hamı, o cümlədən Səmədov yaxşı oynadı. O, inid yaxşı vəziyyətdədir.
Sabahkı oyuna məqsədlər haqqında
Mən oyunçularıma bizə yalnız bir nəticə lazım olduğunu dedim. Heç-heçə bizi maraqlandırmır. Son dörd görüşdə olduğu kimi yalnız qələbəyə oynayacağıq.
Komandası haqqında
Hər oyun qabağı həyəcan olur. Ancaq biz bunu kənarlaşdırmağa çalışırıq. Mən komandanı Azərbaycanla oyuna hazırlamaq üçün hər şey edirəm. Bu oyun istənilən oyun kimi bizim üçün çox vacibdir.
