14 oktyabr 2013 11:54
Yunis Hüseynov: Rusiya ilə heç-heçə etmək olar, amma qələbə barədə düşünmək çətindi
Veteran futbolçu Yunis Hüseynov Azərbaycan-Rusiya oyunu haqda azerisport.aza danışıb. Onun fikrincə yığma Rusiya ilə heç-heçə oynaya biləcək gücdədi:
"Rusiya səviyyəli futbolçulardan ibarət güclü komandadı. Bu komandanın heyətində hər bir futbolçunun öz yeri var. Zəif olsaydılar qrupda 1-ci yerdə olmazdılar. Artıq Braziliyaya bileti təmin etməyə yaxındılar. Fikrimcə Rusiya Bakıya arxayın gələcək. Kim nə deyir desin, onlara 1 xal da bəs edəcək. Bu mənada biz rəqibin arxayınlaşmasından istifadə edə bilərik. Heç-heçə etmək realdı və komandamızın gücü çatar. Amma qələbə barədə onu deyə bilmərəm. Nə qədər arxayın olsa da Rusiyanı Bakıda məğlub edəcəyimizə inanmıram”.
