14 oktyabr 2013 12:10
Nazim Süleymanov: Rusiya yığmasının qapısına daha çox zərbə vurmaq lazımdı
Futbol üzrə Azərbaycan yığmasının məşqçisi Nazim Süleymanov dünya çempionatının seçmə mərhələsi çərçivəsində Rusiya yığmasına qarşı oyunla bağlı fikirlərini bildirib. Azerisport.az xəbər verir ki, mütəxəssis bunları söyləyib:
“Bizi asan rəqib gözləmir. Mən İsrail yığmasına qarşı oyunda Rusiya yığmasını müşahidə etmişəm. Rəqibi tanıyırıq. Yığmamızda yaxşı ab-hava var. Şimali İrlandiya üzərində qələbədən sonra bizim futbolçular Rusiya yığmasına qarşı start fitindən final fitinə qədər diqqətlə oynamalıdırlar. Axı rəqib 89-cu dəqiqədə də səhv edə bilər. Qarşıdakı oyunda oyunçularımıza Rusiya yığmasının qapısına sadəcə daha çox zərbə vurmaq lazımdı. Aydındır ki, rəqib səviyyəcə üstündür, onların oyun sürəti də yüksəlib. Ancaq bizim elə oyunçularımız var ki, istəkləri olsa, Rusiya premyer-liqasında oynaya bilərlər”.
