Sergey Yuran: Düşünmürəm ki, Rusiya Bakıda məğlub olacaq

Futbol üzrə Rusiya yığmasının keçmiş hücumçusu Sergey Yuran dünya çempionatının seçmə mərhələsi çərçivəsində Rusiya yığmasına qarşı oyunla bağlı fikirlərini “Sport-Ekspress” nəşrinə bildirib. Azerisport.az xəbər verir ki, Yuran bunları söyləyib:

“Düşünmürəm ki, diqqətsizlik edək. Hamı başa düşür ki, seçmə mərhələnin sonuncu oyunu qarşıdadır və dünya çempionatına yollanmaq üçün bir addım qalıb. Sadəcə olaraq bizim oyunçularımıza ağır, sərt mübarizəyə hazır olmaq lazımdır. Azərbaycanlılar torpağı gəmirəcəklər. Bir qədər dözmək lazımdır. Braziliyaya yollanmaq üçün 90 dəqiqə qalır. Düşünmürəm ki, məğlub olaq”.