Yubiley oyununda yubiley məğlubiyyəti
19 dekabr 2016 13:20
“Zirə” Topaz Premyer Liqasında 50-ci oyununu keçirib. Azerisport.az xəbər verir ki, yubiley oyununda “Sumqayıt”ın qonağı olan bakılılar 0:1 hesabı ilə məğlub olub.
14-cü turun görüşündəki yubiley məğlubiyyət sayında da əlamətdar rəqəmə çatıb. Belə ki, qəsəbə təmsilçisi 15-ci dəfə məğlubiyyət acısı yaşayıb. Hesabında 21 qələbə və 14 heç-heçə olan komanda 53 qol vurub, 46-sını buraxıb. Bu qarşılaşma “Zirə”nin Premyer Liqadakı 25-ci səfər oyunu olub. Rəqib meydanında 10-cu dəfə uduzan komanda səfərdə 6 qələbə və 9 heç-heçəyə sevinib. Meydan sahiblərini 18 dəfə məyus edən zirəlilər 23 qol buraxıb.
