Dünya kubokunda ilk rəqiblərimiz məlumdu
17 sentyabr 2011 00:10
Bu gün Özbəkistanın paytaxtı Daşkənd şəhərində cüdo üzrə dünya kubokuna start veriləcək. Azerisport.az xəbər verir ki, turnirdə qüvvəsini sınayan yığmamızın üzvlərinin ilk rəqibləri artıq məlumdu.
Belə ki, 60 kq-da mübarizəyə qoşulan İlqar Muşkiyev startda Qazaxıstan cüdoçusu Baxıtjan Turebekovla qarşılaşacaq.
Eyni çəki dərəcəsində mübarizə aparacaq Orxan Səfərov da ilk döyüşünü Qazaxıstan cüdoçusu Yeldos Smetova qarşı keçirməlidi.
66 kq-da mübarizə aparan Tərlan Kərimov tatami sahiblərindən Umidjon Xalilovla qarşılaşacaq.
Eyni çəki dərəcəsindəki digər təmsilçimiz Nicat Şıxəlizadə isə qazax İlyaz İsmaqilovla dueldən qalib ayrılmalıdı.
81 kq-da yarışacaq Rüstəm Alimli mübarizəyə qırğız Nurbek Raymala qarşı döyüşlə qoşulacaq.
Ramin Qurbanov (90 kq) startda Nemətulla Asranqulov (Tacikistan) üzərində qələbə qazanmalıdı.
Elmar Qasımov (100 kq) və Emil Tahirov da (+100 kq) ilk döyüşündə qazax idmançıyla qarşılaşacaq. Qasımov Sabirjan Abidauli, Tahirov Ulan Rıskul ilə mübarizədən qalib ayrılmalıdı.
