Federasiya prezidenti: Onun səmərəli işi nəticəsini verdi
13 sentyabr 2013 13:25
Azərbaycan Cüdo Federasiyasının prezidenti Füzuli Ələkbərov yığmanın baş məşqçisi Peter Zayzenbaherin işindən razıdı. Azerisport.az xəbər verir ki, bu gün milli komandanı qəbul edən federasiya rəhbəri dəyişikliklərdən razı qaldığını deyib:
“Zayzenbaher yığmaya yeni nəfəs gətirdi. Millidə nizam-intizam yüksək səviyyədədi. Nəzərə alaq ki, London Yay Olimpiya Oyunlarından sonra çətinliklər çox idi. Cüdoçularımıza yeni məşqçiyə öyrəşmək üçün vaxt lazım oldu. Dünya çempionatı göstərdi ki, biz doğru yoldayıq. Məşqçinin sistemi nəticə verir. Zayzenbaherlə yeniyetmələr barədədə danışmışıq. Komanda da rəqabət olması üçün gərək gənclər artırsın. Dünya çempionatında qızıl medaldan sonra daha çox işləməliyik. Bir uğurdan sonra eyforiyaya qapılmaq olmaz”.
