Həmyerlimiz dünya çempionu oldu
21 oktyabr 2011 02:07
Malaziyanin Melaka şəhərində gənclər və yeniyetmələr arasında karate üzrə 7-ci dünya çempionatı keçirilib. Azerisport.az xəbər verir ki, bu mötəbər yarışda Azərbaycan milli yığma komandası da iştirak edib.
Bu yarışda 18-20 yaş kateqoriyasında Ayxan Mamayev bütün rəqiblərinə qalib gələrək fəxri kürsünün ən yüksək pilləsinə qalxıb. Bakı Dövlət Universitetinin 3-cü kurs tələbəsi olan Mamayev 78 kq çəki dərəcəsində mübarizə aparıb. Məşqçi Şahin Xudaverdiyevin yetirməsi bu mundialda 6 döyüş keçirib və 51 idmançı arasında ən güclü olub.
Gənclər və yeniyetmələr arasında 7-ci dünya çempionatında 81 ölkədən 1215 karateçi iştirak edib.
