25 iyul 2012 20:52
Yay olimpiya oyunları bu gün start götürür
XXX London Yay Olimpiya Oyunlarına çərşənbə günü qadınların futbol oyunları ilə start verilir. Azerisport.az xəbər verir ki, Olimpiya Oyunlarında 12 qadın, 16 kişi komandaları mübarizə aparacaq.
Bu gün keçiriləcək oyunlarda Böyük Britaniya Yeni Zelandiya ilə, Kamerun Braziliya ilə, Yaponiya Kanada ilə, İsveç Cənubi Afrika Respublikası ilə, ABŞ Fransa ilə, Kolumbiya isə Şimali Koreya ilə qarşılaşacaq.
Futbol üzrə kişilərin yarışı sabah başlayır. A qrupunda Böyük Britaniya, Seneqal, Uruqvay, BƏƏ, B qrupunda Meksika, Cənubi Koreya, Qabon, İsveçrə, C qrupunda Braziliya, Belarus, Yeni Zelandiya, Misir, D qrupunda isə İspaniya, Honduras, Yaponiya, Mərakeş mübarizə aparacaq.
Olimpiadanın rəsmi açılış mərasimi iyulun 27-də olacaq.
